fbpx

Пожарот меѓу селата Ѓермо и Селце веќе петти ден е активен

Според командирот на Противпожарната единица од Тетово, штетата од пожарот е многу голема бидејќи гори висококвалитетна шума

-

Веќе петти ден пожарникарите се справуваат со пожарот на Шар Планина, кој започна кај село Ѓермо, а сега се прошири во близина на селото Селце.

Според регионалниот Центар за управување со кризи во Тетово, пожарот е на  „оддалечен и тешко пристапен терен, а гори букова шума, ливади и меѓни стебла и ниска вегетација“. Има тенденција да се шири.

„Овој дел од планината е под надлежност на Национален Парк (НП) Шар Планина и тие се првите кои треба да излезат на терен и да го локализираат пожарот. Излеговме на терен и до 21 часот го гасевме пожарот, а утрово од 7 часот повторно сме горе и продолживме со гаснењето заедно со вработените од Националниот парк. За жал, други институции не се вклучени и не знам зошто. Штетата од пожарот е многу голема бидејќи гори висококвалитетна шума“, изјави Авни Амети, командир на Противпожарната единица од Тетово.

Фото: Центар за управување со кризи

Во гасењето вчера интервенирале четири лица од НП Шар Планина, 4 пожарникари од Територијалната противпожарна единица (ТППЕ) Тетово, како и мештаните. Бил вклучен и еден хеликоптер на МВР што испуштил вода во седум наврати.

Според Амети, пожарите се предизвикани од човек.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Спортските терени на основните училишта во Куманово се „за жалење“, не се приоритет за институциите

Спортските терени во некои основни училишта во Куманово се во лоша состојба, без услови, а во неколку училишта има недостаток на простор и спортска опрема. Учениците бараат подобри услови,...