Иако има само уште 8 месеци до крај на вториот мандат, градоначалничката на Тетово, Теута Арифи, не е ни близу до исполнување на ветувањето за бројот на легализирани објекти во овој град. Таа во дебатата на Порталб.мк и Kallxo.com во текот на 2017 година вети легализација на 7.000 објекти, а досега се одобрени вкупно 3.600 барања за легализација. Бројот на барања е поголем од 2017 година, пишува Порталб.мк.
Преку барање за слободен пристап до информации од јавен карактер, Порталб.мк успеа да го обезбеди бројот на одобрени барања за легализација и барања што уште чекаат од Општина Тетово за време на вториот мандат на градоначалничката Арифи.
Досега се одобрени вкупно 3.600 барања на граѓани за легализација, барања кои ги имаат исполнето потребните услови за добивање согласност за легализација. Иако оваа бројка на прв поглед изгледа висока, најголемиот дел од нив Општина Тетово ги одобри за време на вториот мандат на Арифи, односно 3.499 барања.
Во 2017 година, градоначалничката Арифи го доби својот втор мандат со ветување дека ќе одобри до 7.000 барања на граѓаните, и во овој мандат доби дополнителни 3.499 нови барања, а мандатот го започна со 11.500 веќе пристигнати барања за легализација.
Потсетуваме дека во дебатата за време на кампањата за локалните избори во 2017 година, „Дебата навистина” за Kallxo.com во соработка со Порталб.мк, градоначалничката Арифи вети одобрување на 7.000 барања за легализација.
„И покрај новите барања што ќе дојдат од 1 јануари, сметаме дека можеме да решиме до 7.000 барања“, рече Теута Арифи во „Дебата за нас“, за Порталб.мк и Kallxo.com во 2017 година.
За исполнување на ветувањето дадено пред граѓаните, градоначалничката Арифи ќе треба да одобри вкупно 3.400 барања на граѓани за легализација во рок од 8 месеци. Во Општина Тетово никогаш не постоел толку голем интерес или толкав број барања за легализација.
