fbpx

Почна рушењето на постојниот објект на Универзална сала [галерија]

-

Градежните работници викендов почнаа со рушење на дел од постојниот објект на Универзалната сала, којшто е дел од проектот за реконструкција на оваа концертна сала во Скопје. Во моментов се руши влезот во салата и некогашната мала сцена, на која се одигруваа претстави и други културно-уметнички активности од помал обем.

Во изминативе неколку месеци на терен се работеше на изведба на идната метална конструкција на Универзалната сала, чии носечки столбови треба да бидат основа за изработка на надворешниот изглед на објектот. Од Градот Скопје веќе информираа дека најпрво ќе се сработи надворешноста, а потоа ќе се уредува идниот ентериер на Универзалната сала.

Инаку, реконструктивниот зафат на Универзалната сала започна на почетокот од летово. Договорот за реконструкција на објектот е во вредност од 1,9 милиони евра. Изведувач на зафатот е скопската фирма „Универзал-Балкан“, додека архитектот Бујар Муча и неговото архитектонско биро „Мегарон“ на Градот Скопје и на скопјани им го отстапија идејниот проект за реконструкција на Универзална како донација.

Тековната реконструкција подразбира задржување на автентичниот изглед на Универзална сала, односно објектот ќе го задржи постојниот облик и големина за да се сочува колективната меморија за Универзална како симбол на меѓународната солидарност искажана кон Скопје по катастрофалниот земјотрес од 1963 година. Реконструкцијата вклучува обнова на внатрешноста, фоајето и влезниот дел, обнова на надворешноста и имплементирање на мерки за енергетска ефикасност. Ќе се интервенира во машинскиот дел, во сценскиот дел и во делот на техниката.

Универзалната сала била проектирана од бугарските архитекти Станкови (Јарослав, Љубомир и Владимир) и нивната сестра К. Станкова-Мутафова. Таа е симбол на меѓународната солидарност искажана кон Скопје по катастрофалниот земјотрес од 1963 година, бидејќи во обезбедувањето средства за нејзината изградба учествувале со свои донации дури 35 земји од целиот свет.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...