fbpx

По три години изградба, пуштена во употреба првата фаза од експресниот пат Штип-Радовиш

-

Првата фаза од експресниот пат Штип-Радовиш во должина од околу 23,5 километри денеска беше пуштена во употреба. По три години од почетокот на градежните работи, премиерот Зоран Заев заедно со министерот за транспорт и врски Благој Бочварски и шефот на Европската банка за обнова и развој во Македонија, Андри Аранитаси, присуствуваа на отворање на патот, кој се градеше на потегот од селото Софилари кај Штип до Бучим.

Оваа делница од експресниот пат е изградена пред рокот од страна на австриската компанија „Штрабаг АГ“. Возачите во иднина меѓу Штип и Радовиш ќе патуваат со максимална брзина од 110 километри на патот, а безбедноста во сообраќајот ќе се подобри поради фактот што покрај сообраќајните ленти со широчина од 3,5 метри во секој правец, на експресниот пат се изведени и помошни ленти за застанување.

Експресниот пат Штип-Радовиш се надоврзува на автопатот меѓу Миладиновци и Штип, што ќе им овозможи на жителите од југоисточниот дел на земјава многу побрзо да патуваат до главниот град. Инаку, во моментов се работи и на изведба на втората фаза од експресниот пат Штип-Радовиш, со која е планирано во целост да се заврши реализацијата на целокупната траса со должина од 40,4 километри.

„Сакам да информирам дека интензивно работиме и на изградба на втората фаза од овој експресен пат – делниците од клучка Три чешми до Штип-Југ, како и делницата од Бучим до Радовиш. Очекуваме оваа делница комплетно да биде завршена во средината на следната година“, изјави министерот за транспорт и врски Благој Бочварски.

Директорот на ЈП за државни патишта, Ејуп Рустеми рече дека вкупната вредност на двете фази е околу 60 милиони евра.
„Со техничките квалитети на експресниот пат, со по една коловозна и помошна лента, и со широчина од 11,4 метри, тој претставува основа за можен иден автопат. Максималната брзина на движење на возилата е 110 километри на час. Оваа прва фаза од експресниот пат А4  во време на пандемија е комплетно завршена во предвидениот рок од 3 години. Изградена е согласно со важечките прописи и стандарди со издвоена вкупна вредност од 45 милиони евра. Заради подобро поврзување со блиските населени места, на експресниот пат изведени се вкупно 40 објекти за премостување, односно 4 клучки согласно со највисоките стандарди, 7 надпатници и подпатници, 11 мостови и вијадукти, и сето ова за полесен пристап на граѓаните до и од експресниот пат. По целата должина на патот има заштитна жичена ограда за побезеден сообраќај“, изјави директорот Рустеми.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Ковачевски ја заборави сопствената улога во медиумскиот сектор – извинувањето е лицемерно

На Ковачевски и на СДСМ никој друг не им е виновен што не сторија ништо позначајно реформски во медиумскиот сектор, а што било нивна должност, вклучувајќи го и тешкото...