fbpx

Ослободени киднапирани Хазари во Авганистан

-

Авганистанската разузнавачка агенција соопшти дека денеска ослободила осум лица кои се наоѓале во голема група од 31 Хазари, кои беа киднапирани на почетокот од годинава.

Пет мажи, две жени и еден тинејџер денеска се ослободени на подрачјето на покраината Газни, соопшти извор на Републиканската дирекција за безбедност.

Група од 31 припадник на хазарското малцинство, за кои во тоа време се верувало дека го сочинувале само мажи, се киднапирани во февруари од автобус во покраината Газни. Во мај се ослободени 19 од киднапираните, додека другите се водеа како исчезнати.

Виши владини претставници тогаш соопштија дека Исламска држава стои зад киднапирањето.

Хазарите, кои се претежно шиити, биле мета на неколку големи киднапирања годинава, што предизвика демонстрации и протести во главниот град Кабул и во други места.

Во саботата, на 7 ноември, беа пронајдени седум обезглавени тела на припадници на хазарите во Забулу. Убиени се четворица мажи, две жени и дете, кои биле киднапирани пред шест месеци, соопштија властите.

Републиканската дирекција за безбедност го отфрли тврдењето на талибанците дека Исламска држава е одговорна за овие убиства. Спротиставените талибански фракции со денови се борат во овој регион.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Климатските промени не се нова „пландемија“, туку реалност и научно се докажани

Климатските промени беа во фокусот на Светскиот економски форум (СЕФ) во 2021 година, но тие се високо на агендата и во последниве години и тука нема ништо спорно. Наспроти...