Општина Гостивар обвинува дека политичките опоненти ја уништуваат урбаната опрема низ градот. Уништени се реквизитите на детското игралиште во градскиот парк во Гостивар. Извадена е оградата и светилките, а расфрлани се делови од куќарките.
Од Општина Гостивар велат дека случајот го пријавиле во полиција и очекуваат сторителите да бида откриени. Се сомневаат дека вакви или слични оштетувања на урбаната опрема во градот е дело на нивните политички противници.
– Нашите политички опоненти чкртаат и по ѕидови по автобуски постројки, се со цел да ја деградираат работата на Општина Гостивар и градоначалникот Невзат Бејта. Без разлика на ваквите девијантни појави, гостиварската локална самоуправа и понатаму ќе работи за доброто на гостиварци и понатаму ќе гради игралишта – изјави шефот на кабинетот на градоначалникот на Општина Гостивар, Башким Хасани.
Детското игралиште во градскиот парк е донација од Турција во вредност од 40 илјади евра.
