fbpx

„Нокиа“ го претстави андроид-таблетот „Н1“

-

„Нокиа“ го претстави 7,9-инчниот андроид-таблет со ознака „Nokia N1“. Иако „Мајкрософт“ реши да ја згасне марката „Нокиа“, со овој потег Финците праќаат децидна порака дека се тука да останат и да понудат квалитетни и софистицирани уреди по кои беа познати и во минатото.

Уредот има вградено четвиријадрен процесор intel atom Z3580, кој работи на такт од 2,3 гигахерци, заедно со рам-меморија од два гигабајти  и простор за складирање на податоци од 32 гигабајти. Дисплејот со дијагонала од 7,9 инчи е со резолуција од 1536 x 2048 пиксели и користи стакло за заштита од гребнатинки corning gorilla.

Таблетот работи  на најновата верзија на „андроид“,  5,0, со преинсталиран launcher Z, кој го изработи софтверскиот тим на „Нокиа“ и претставува замена за почетниот екран кој го добивате со „фабричкиот“ „андроид“.

Куќиштето на таблетот е направено од единствен блок на алуминиум кој дава минималистички и елегантен изглед. На задната страна се наоѓа камерата со сензор од осум мегапиксели, а предната е со сензор од пет мегапиксели. На долниот дел се поставени стереозвучниците и централниот УСБ-конектор. „Нокиа Н1“  ќе биде лансиран на почетокот на 2015 година, прво во Кина, а потоа во Европа и во САД.

Цената ќе му биде околу 250 американски долари.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Вучиќ кон Пикси откако автобусот се заглави во песок: „Тешки сме Драгане“

Претседателот на Србија, Александар Вучиќ изјави дека е договорено финалето на Лигата на Европа на УЕФА во 2028 година да се игра на Националниот стадион во Сурчин. Вучиќ на...