fbpx

МЗД: ФЗОМ да го повлече новиот предлог за породилното боледување

-

ФЗОМ да го повлече предлогот исплатата на породилното боледување да ја врши фирмата и да преземе мерки преку кои на жените ќе им го обезбеди правото на надомест поради бременост и раѓање од државата, без досегашните доцнења, бараат од Мрежата за заштита од дискриминација.

Тие инсистираат, доколку предложените мерки од овој проект бидат вклучени во колективните договори, синдикатите и работодавците да се спротистават на евентуалните измени и да не дозволат таква промена.

„Разлики помеѓу жените и мажите постојат и во однос на регулираниот работен однос, односно бројот на формално вработени мажи е поголем од бројот на формално вработени жени, а учеството на вработени жени во приватниот сектор е помал во однос на мажите. Како една од причините што ФЗОМ ја истакнува при најавување на овој проект е побрза исплата на надоместокот за породилно отсуство, особено во првите месеци од раѓањето на бебето. Имено, доколку ФЗОМ истакнува дека го исплаќа надоместокот за породилно отсуство со задоцнување од два-три месеца, тогаш зошто работодавците би верувале дека Фондот навремено ќе им го рефундира платениот надоместок ним? За рефундирање на вака платените средства, работодавецот ќе треба да поднесе и барање за рефундирање што само по себе ќе подразбира обременување на постапката за поврат на средства на работодавецот“, сметаат од Мрежата за заштита од дискриминација.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел возврати со напад врз Иран, Иран не планира да одговори

Израел утрово лансираше воздушен напад во близина на иранскиот град Исфахан, велат американски извори за Си-би-ес, а пренесува Би-би-си. Нападот доаѓа шест дена по нападот на Иран во Израел, кога...