Министерството за внатрешни работи во изминатите 24 часа издало потврди за искажана намера за поднесување барање за признавање право на азил на вкупно 2.589 странски државјани, од кои 1.149 се државјани на Сирија, 966 на Авганистан и 474 на Ирак.
Од 19 јуни до вчера издадени се вкупно 261.006 вакви потврди, од кои 160.135 се издадени на Сирици, 57.739 на Авганистанци, 21.702 потврди се издадени на Ирачани, а државјаните од други земји што побарале ваква потврда се во помал број.
Во изминатото деноноќие до Одделението за азил не се поднесени барања за признавање право на азил врз основа на претходно издадена потврда за искажана намера за поднесување барање за признавање право на азил.
Од почетокот на издавањето на потврдите до вчера, до Одделението за азил се поднесени 70 барања за признавање право на азил.
