За време на одржување на музички настан во градскиот парк во Струмица пронајдена е дрога кај девет лица, информираат во Министерството за внатрешни работи.
„Во периодот вчера од 18 часот до 6 часот на 8 септември, за време на одржување на музички настан во градски парк во Струмица, полициски службеници од секторот за внатрешни работи Струмица ги лишиле од слобода С.С. (26), Д.С. (20), Г.Б. (28), М.А. (45), А.С. (24), А.М. (25) и А.Б. (28), сите од Скопје, Џ.Б. (40) од Струмица и А.А. (19) од Кавадарци. При преглед над лицата била пронајдена и одземена марихуана, прашкаста материја, таблети“, соопшти МВР.
Оттаму додаваат дека по целосно документирање на случаите против лицата ќе бидат поднесени соодветни пријави.
