Со свирежи и со скандирања „Оставка“, „Долу диктатура“, „Нема правда, нема мир“, „Николче, диктаторче“, „Заедно сме посилни“, и денеска граѓаните и активистите протестираа на булеварот Св. Климент Охридски кај Владата.
Протестот помина мирно, а стотиците насобрани со свирежи и со транспаренти го изразија незадоволството од полициската бруталност и неправдата.
На транспарентите беше испишано „Збогум Никола“, „Оставка“ и „Протестирам“ на македонски и на албански јазик, „Една Тамара, еден Зоран, еден Институт за беолодробни заболувања кај дечињата – неизграден, многу мајки и ниеден Никола“.
По едночасовниот собир пред Владата, која и овојпат беше обезбедувана од полицијата, демонстрантите се упатија кон Собранието.
