fbpx

Mилошоски: Апелација потклекна на притисоците да се скрие криминалот на Заев

-

Апелацискиот суд не го издржа притисокот на СДС и не си ја исполни законската обврска судиите да одлучуваат само и само врз основа на Устав и на закон и никако поинаку, порача Антонио Милошоски, член на извршниот комитет на ВМРО-ДПМНЕ на партиската прес-конференција во врска со одлуката на Апелацискиот суд Скопје да ја уважи жалбата на Специјалното јавно обвинителство на решението на Основниот суд Скопје 1 за предметот поврзан со насилствата во Општина Центар во јуни 2013 година. Судот донесе одлука дека доказите прибавени од прислушуваните материјали можат да се употребат како доказ во кривичната постапка.

– Зошто се случува ова потклекнување на Апелацискиот суд и зошто е објавена одлуката без да се објават и содржината и имињата на судиите? Заради две цели. Првата цел – затоа што и самите судии што ставиле потпис на ваква одлука многу добро го знаат членот 12, став 2 од Законот за кривична постапка, дека нелегално стекнати материјали ниту можеле ниту можат да служат како докази во која било постапка. Кои се целите на СДС, на СЈО и на нивните блиски поддржувачи. Првата цел е да се покрие криминалот сторен од господинот Заев кој е документиран на легален начин со ПИ-мерки, каде што тој бара поткуп од 200.000 евра. Сакале да се стави знак равенство помеѓу него и сторениот криминал од негова страна и секој друг што тој го смета за политички опонент. Втората цел на ваквите активности на СДС, на СЈО и нивните блиски поддржувачи е да се крене една димна завеса во овој период кога владата е неспособна да изгаси две депонии и десет пожари – рече Милошоски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Гордана Силјановска-Давкова официјално е претседателски кандидат на ВМРО-ДПМНЕ

Гордана Силјановска-Давкова и официјално ќе влезе во трката за претседател на државата, како кандидат на ВМРО-ДПМНЕ. Таа денеска со мнозинство гласови беше избрана на Kонвенцијата која се одржа во...