Во Младинскиот културен центар (МКЦ), утре (30 јуни), со почеток од 21 часот, ќе се одржи светска премиера на македонскиот краткометражен филм „Проблемот на Тина“ (Tina’s Problem). Филмот е во режија на Радован Петровиќ и е изработен по сценарио на писателката Румена Бужаровска.
Филмот ја раскажува приказната за 22-годишната Тина, која што откако ја губи невиноста оди на првиот гинеколошки преглед во својот живот.
Во краткометражниот филм играат Душица Настова, Жаклина Стефковска, Јордан Симонов, Taмара Ристоска и Емилија Мицевска. Филмот е во продукција на Кино Око.
По филмската проекција ќе следува DJ set на Nastasya Kish!
Влезот на филмската проекција е слободен, но има ограничен број на бесплатни билети. Билетите се достапни на билетарница во МКЦ и онлајн преку bileti.mkc.mk