fbpx

Kонференцијата за справување со дезинформациите во земјава на 31 мај ќе ја отвори претседателот Пендаровски

-

Претседателот Стево Пендаровски ќе ја отвори конференцијата „Справување со дезинформации во Република Северна Македонија“, која што Фондацијата Метаморфозис ја организира во хотелот „Панорамика“ на 31 мај, со почеток од 12 часот. Настанот има за цел градење на мулти-секторски пристап за решавање на овој важен проблем преку заеднички ангажман на државните институции, независните медиуми, граѓанските организации, академската заедница и приватниот сектор.

Свое обраќање на отворањето на конференцијата ќе имаат Фани Каранфилова-Пановска, извршна директорка на Фондацијата Отворено општество-Македонија, како и Вукашин Петровиќ, раководител на програмата на Фонд за пристап до информации, ДТ Институт и Бардил Јашари, извршен директор на Фондацијата Метаморфозис.

Конференцијата за справување со дезинформациите во земјава е предвидена како настан во хибриден формат, со можност за учество директно од салата или преку онлајн пренос во живо на интернет преку ZOOM.

Настанот ќе се состои од две работни сесии, на кои свое учество ќе земат претставници на релевантните институции, стручната јавност, граѓанскиот сектор и меѓународната заедница. На конференцијата ќе бидат претставени и дискутирани резултатите од тековни истражувања за состојбите, како и препораките за наредни чекори на различните општествени чинители за спротивставување на штетните влијанија насочени против развојот на демократијата и интегративните процеси, информираат од Фондацијата Метаморфозис.

Агендата со говорниците на работните сесии може да се погледне ОВДЕ. Сите заинтересирани учесници на конференцијата ќе треба да се регистрираат на следниот линк.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.
Фото: Борче Поповски/Kolektif.mk

Мета факт: Во тек е вклучувањето на државните инспекторати во Е-инспектор

Единаесет државни инспекторати се веќе дел од системот Е-инспектор, додека пет чекаат да им се обезбедат технички услови во текот на следните десетина дена. Дигитализацијата на инспекторатите ќе треба...