Француските командоси вчера сосема случајно ослободиле Холанѓанец кој четири години бил заробеник на исламистите на Ал каеда.
Командосите во пустината Сахара го пресретнале караванот на џихадистите, а по борбите во кои се убиени исламистите, специјалците се изненадиле кога сфатиле дека тие со себе носеле заложник.
Сјаак Ријке, 54-годишен Холанѓанец, е киднапиран пред три години заедно со уште двајца, од хотелот „Тимбукту“ на Мали.
– Не знаевме дека со исламистите има заробеник, немавме никаква информација за него и бевме целосно изненадени – рече за француската телевизија претседателот Франсоа Оланд, додавајќи дека командосите биле во рутинска обиколка на подрачјата во Западна Африка каде се борат со силите на Ал каеда.