Времето во земјава денеска ќе биде променливо облачно, претпладне со локални врнежи од дожд. Ќе дува засилен ветер од југоисточен правец. Поради југозападно струење и присуство на прав од Сахара, можно е врнежите да имаат жолта боја.
Утринската температура се движеше меѓу 5 и 10 Целзиусови степени, а дневната температура ќе изнесува од 10 до 17 степени.
Во Скопје ќе биде променливо облачно, претпладне со локални врнежи од дожд. Ќе дува засилен ветер од југоисточен правец. Утринската температура достигна до 10 степени, а дневната температура ќе се искачи до 17 Целзиусови степени.
Утре ќе настапи преодно стабилизирање на времето. Од четврток до недела ќе биде значително потопло, но во попладневните часови ќе биде нестабилно, со пороен дожд, грмежи и засилен ветер, локално со поинтензивни процеси.
