fbpx

Клучни избори во Црна Гора: Ќе се продолжи ерата на Ѓукановиќ или ќе дојде просрпски кандидат

Mило Ѓукановиќ во првиот круг освои околу 35 отсто од гласовите во првиот круг, додека Јаков Милатовиќ освои 29 отсто од оние што излегоа на гласање

-

Во недела во Црна Гора се одржува вториот круг од претседателските избори, на кој граѓаните се пред клучен избор – да ја продолжат ерата на владеењето на Мило Ѓукановиќ или да го изберат Јаков Милатовиќ како просрпски кандидат за претседател на државата. Изминативе денови се мобилизира дијаспората и припадниците на малцинствата во Црна Гора за да се постигне што подобар резултат.

Актуелниот претседател Ѓукановиќ, кој трча за втор мандат и освои најмногу гласови во првиот круг, како гостин на Институтот за мир на панел за безбедноста во Европа изјави дека она што го прави Србија во Западен Балкан е реплика на она што Русија се обидува да го изврши преку враќање на влијанието во поранешниот Советски сојуз.

„Тоа се ретроградни политики, тие не сакаат да владеат со своите земји, тие сакаат да владеат со нации. Тоа го гледаме во регионот, каде Србија се обидува да владее со Босна и Херцеговина, Косово и Македонија“, вели Ѓукановиќ, додавајќи дека Балканот е сведок на создавање на српскиот свет по модел на рускиот свет, пренесува Н1.

Мило Ѓукановиќ во првиот круг освои околу 35 отсто од гласовите во првиот круг, додека Јаков Милатовиќ освои 29 отсто од оние што излегоа на гласање. Јуроњуз пишува дека иако претседателот има речиси церемонијална функција во Црна Гора, исходот од изборните резултати на 2 април ќе претставува индикатор пред одржувањето на предвремените парламентарни избори што се закажани за 11 јуни.

За разлика од поддршката која што Ѓукановиќ ја очекува од црногорската дијаспора и албанското, хрватското и бошњачкото малцинство, Милатовиќ пак се надева на поддршката од другите просрпски кандидати. Демократскиот фронт и неговиот третопласиран кандидат уште веднаш по одржувањето на првиот круг ја дадоа својата поддршка за Милатовиќ.

Анкетни истражувања за популарноста на кандидатите изостана пред вториот круг од гласањето, но медиумските извештаи укажуваат дека натпреварот ќе биде тесен во земјата, која што има население од околу 620.000 жители.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Фотографија од човек во воз не го прикажува Пригожин, ниту пак, докажува дека тој е жив

Иако човекот на фотографијата наликува на шефот на Вагнер, сепак на фотографијата има детаљ кој покажува дека не се работи за него. Како што пишува Њузвик, ушите на Пригожин се поинакви...