САД за неколку дена ќе знаат дали ќе се одржи примирјето во Сирија кое треба да стапи на сила в сабота, а ако политичките тензии не сопрат, постои план Б, рече американскиот државен секретар, Џон Кери.
– Докази за тоа ќе бидат потезите во следните неколку дена. За месец или два ќе знаеме дали процесот на транзиција е навистина сериозен… Башар ал Асад ќе мора да донесе одлука за формирање преодна вада. Ако тоа не се случи, постои план Б – рече Кери, говорејќи за засега непознатите планови, за кои се верува дека вклучуваат и воена акција.
Државниот секретар истакна дека тешко ќе се одржи територијалната целовитост на Сирија ако за прекинот на огнот биде потребно премногу време, па дури и ако провладините сили, со поддршка на Русија, го заземат Алепо.
