Битолскиот камерен оркестар со филмска музика ќе го отвори годинашното 10. издание на „Битфест 2015 година“.
Свеченото отворање на јубилејното издание на битолското културно лето ќе биде в сабота, во Пациото на Завод и музеј Битола.
Ова лето битолчани ќе може да посетат повеќе од 200 културни настани во наредните шеесетина дена.
– Концептот на „Битфест“ е таков што еднакво ќе им се даде шанса пред граѓаните на Битола да се претстават и искусни уметници и алтернативни и независни творци – рече градоначалникот на Битола, Владимир Талески, на денешната прес-конференција.
Годинава во Битола свои концерти ќе имаат Калиопи, групата „Фолтин“, Владимир Четкар, како и уметници од повеќе земји од светот.
Според анализите на Општина Битола, во изминатите девет години на „Битфест“ се реализирани повеќе од 2.000 културни настани со преку 30.000 учесници.
А.Б.
