Министерот за одбрана, Зоран Јолевски, во своето обраќање на НАТО-самитот во Варшава, на состанокот посветен на Платформата за интероперативност на министри за одбрана, рече дека Македонија е целосно подготвена за интеграција во НАТО и дека државата има капацитет да ги преземе сите обврски и одговорности за да придонесе кон сигурноста и стабилноста на Балканот и на евроатланската област, соопштија од министерството.
„Цврсто сме убедени дека инвестицијата во НАТО ќе ги зацврсти мирот и стабилноста. Нашите војници, кои долги години учествуваат во мировните мисии во Авганистан, го очекуваат и го заслужуваат членството“, рече Јолевски.
За време на одржувањето на самитот, Јолевски оствари билатерални средби со своите колеги од Италија, Словачка, Литванија, Унгарија, Чешка, Латвија и од Словенија.
На средбите Јолевски порачал дека со сите постигнати резултати Македонија го заслужила своето место во Алијансата.