Јеменското министерство за одбрана денеска соопшти дека владините сили ја презеле контролата над најголемата воена база Ал Анад, која од март годинава беше во рацете на шиитските бунтовници од племето Хути. Министерството ја поздрави акцијата на вооружените сили лојални на претседателот Абд Мансур Хади.
Арапската коалиција, предводена од Саудиска Арабоја, од 26 март ги бомбардира позициите на шиитските бунтовници, поддржувајќи го Хади, кој побегна од земјата.
Хутите од септември минатата година ја презедоа контролата врз главниот град Сана, каде зазедоа повеќе институции, а високите претставници ги ставија во домашен притвор.