Претседателот Ѓорге Иванов денеска во Белград ќе има средба со новиот претседател на Република Србија, Александар Вучиќ.
Иванов синоќа присуствуваше на свечениот прием по повод инаугурацијата на Вучиќ.
На церемонијата во палатата „Србија“ присуствуваа околу 5.000 гости, меѓу кои и претседателите на Република Словенија, Република Хрватска, Црна Гора, членовите на Претседателството на Босна и Херцеговина, еврокомесарот за проширување и добрососедска политика на ЕУ, Јоханес Хан, заменик-помошникот на државниот секретар за Европа и за Евроазија во Стејт департментот, Хојт Ји, премиерите на Унгарија и на Австрија, заменик-претседателот на кинеското собрание, како и престолонаследникот на Обединети Арапски Емирати, шеик Мухамед бин Зајед.
