По повод третиот роденден, јавното претпријатие „Лајка“ организира изложба на вдомени кучиња в сабота, 14 октомври во Градскиот парк на Школка. Сите заинтересирани за учество на изложбата треба да ја пополнат оваа апликација.
„На оваа изложба може да се пријават сите граѓани кои имаат домашен миленик мешавина од различни раси, а воедно ќе бидат поканети сите оние кои досега вдомиле куче од прифатилиштето на ЈП Лајка“, информираат оттаму.
Во Лајка додаваат дека со овој настан целта е да се покажеме дека и мешаните и вдомените кучиња се одлични домашни миленици. Пријавувањето е отворено до 11 октомври.
