fbpx

Грковска: Етичкиот кодекс го прекршиле Груби, Османи, Тупанчевски, Џемаили и Димовски

На прашањето на Мета.мк, што ако се случи некој функционер и покрај опомената и понатаму да го прекршува кодексот, Грковска вели дека во таков случај крајната одлука ја носи премиерот

-

Артан Груби, Методија Димовски, Никола Тупанчевски, Хисни Џемаили и Бујар Османи, добиле опомени за непочитување на Kодексот за етичко однесување за членовите на Владата и носители на јавни функции именувани од Владата. Ова го кажа на денешниот брифинг со новинарите вицепремиерката задолжена за политики за добро владеење, Славица Грковска.

„Без оглед на сè и без оглед на тоа за кого станува збор, ние одлучуваме врз основа на аргумени. Не нè засега за што и за кого се работи, туку дали функционерите го прекршиле кодексот или не. Можам да кажам дека има промена во одннесувањето. Наши препораки се секоја институција да си има лице задолжено за кодексот“, рече таа.

На прашањето на Мета, што ако се случи некој функционер и покрај опомената и понатаму да го прекршува кодексот, во таков случај крајната одлука ја носи премиерот.

„Ако има прекршувања и понатаму од иста личност, го информираме за тоа премиерот, кој може да изрече некои од мерките. На пример, може да изрече јавна опомена, а може да побара и разрешување“, рече Грковска.

Таа не одговори на прашањето дали имала притисоци од функционери во врска со изрекувањето опомени.

Вицепремиерката неодмна го предупреди вицепремиерот Артан Груби да не ги злоупотребува канцелариите на Министерството за политички систем за партиски цели и активности. Со оглед на тоа дека се работи за прекршување на етички кодекс, функционерите кои ќе го прекршат може да добијат само опомена.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Камерите кои треба да ловат сообраќајни прекршоци не се во функција

Камерите кои се поставуваат на скопските сообраќајници, а кои се дел од проектот „Безбеден град“ сè уште не се во функција. Објавата што ја анализираме манипулира и непотребно крева...