fbpx

Германскиот претседател ги повика Арапите да го осудат Хамас

Германскиот претседател Франк-Валтер Штајнмаер ги повика германските Арапи да го осудат Хамас и да се дистанцираат од оваа исламистичка милитантна група

-

Полицијата за само еден месец регистрирала повеќе од 2.600 кривични дела на територијата на Германија кои се поврзани со судирот на Блискиот Исток меѓу Израел и Хамас, пишува германската новинска агенција ДПА. Најчестите кривични дела што биле извршени се оштетувања на имот, предизвикување омраза и граѓанска непослушност, при што бројот на насилни престапи е троцифрен.

Посебна контроверзност предизвикуваат пропалестинските демонстрации во Германија, а во некои случаи демонстрантите му даваа поддршка на Хамас, извикувајќи антисемитски и антиизраелски слогани. Германските власти дел од ваквите собири ги забранија.

Во меѓувреме, германскиот претседател Франк-Валтер Штајнмаер ги повика германските Арапи да го осудат Хамас и да се дистанцираат од оваа исламистичка милитантна група. Тој побара јасно дистанцирање од тероризмот на Хамас, повикувајќи ги Арапите да не бидат инструментализирани од Хамас, пренесува ДПА.

Палестинската заедница во Германија треба да има простор јавно да ја изрази болката и очајот поради цивилните жртви од израелските напади на Газа, изјави претседателот Штајнмаер.

„Правото да го направат ова јавно и мирно е гарантиран со нашиот устав – и ова право не е доведено во прашање“, изјави Штајнмаер, додавајќи дека поттикнување насилство, тероризам и повици за уништување на израелската држава не се дел од ова право.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Уапсени десетмина што нелегално продавале медицински канабис

Десет лица се уапсени во четири градови низ земјава во акција за сузбивање на организирана криминална група која била инволвирана во организирање, набавка, продажба и пуштање во промет на...