fbpx

Фон дер Лајен: ЕУ да размисли за користење на замрзнатите руски средства за украинската војска

Не постои посилен симбол и подобра употреба на тие пари од тоа да се направат Украина и цела Европа побезбедно место за живеење, кажа претседателката на Европската комисија

-

Европската Унија треба да размисли за користење на профитот од замрзнатите руски средства за купување воени материјали за Украина, изјави денеска претседателката на Европската комисија, Урсула фон дер Лајен, а пренесува новинската агенција Ројтерс.

„Време е да се започне разговор за користење на неочекуваните профити од замрзнатите руски средства за заедничко купување воена опрема за Украина“, рече Фон дер Лајен пред Европскиот парламент во говорот во кој ја повика ЕУ да направи повеќе за одбранбената политика.

Таа додаде дека не постои посилен симбол и подобра употреба на тие пари од тоа да се направат Украина и цела Европа побезбедно место за живеење.

Во меѓувреме, францускиот претседател Емануел Макрон се соочи со критики од некои од француските партнери во НАТО и ЕУ со предупредување за конфликт со Русија, откако посочи дека не ја исклучува можноста да се испратат копнени трупи во Украина.

По состанокот на високо ниво во Париз на главно европски партнери за да разговараат за тоа кои итни чекори би можеле да се преземат за да се зајакне Украина во пресрет на неодамнешниот напредок на руските сили, францускиот претседател на прес-конференција рече дека не ја исклучува можноста за испраќање војници.

Макрон кажа дека не постои консензус за таков план, но додаде дека ништо не треба да се исклучи за да се порази Русија и да се одржи безбедноста во Европа.

Во меѓувреме, на фронтот во Украина, руски беспилотни летала и ракети Ц-300 нападнале неколку локации вчеравечер и утрово, соопштија украинските воздухопловни сили, а пренесува Гардијан.

Сите дронови биле сооборени, но не е наведено дали проектилите стигнале до своите цели.

Еден ден претходно, украинските сили соборија руски борбен авион Су-34 на источниот фронт, изјави командантот на украинските воздухопловни сили Микола Олешчук.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Утре бесплатен влез во музеите и на локалитетите по повод Светскиот ден на спомениците и археолошките локалитети

Светскиот ден на спомениците и археолошките локалитети, 18 Април, утре ќе биде одбележан со бесплатен влез во сите национални установи од областа на заштитата на културното наследство, кои ќе...