fbpx

Десетици загинати во племенско насилство во висорамнините на Папуа Нова Гвинеја

Областа Хајленд долго време се бори со насилство, но се верува дека овие убиства се најгрозоморните во последните години

-

Десетици лица загинаа во племенски спор во оддалечените висорамнини во областа Хајлендс на Папуа Нова Гвинеја, соопштија властите во земјата.

Жртвите биле застрелани за време на заседа во провинцијата Енга во текот на викендот, изјавил портпаролот на националната полиција за Би-би-си.

Командантот на полицијата во оваа провинција, пак, за Гардијан рекол дека нападот го организирале мажи од две племиња.

Областа Хајленд долго време се бори со насилство, но се верува дека овие убиства се најгрозоморните во последните години.

Приливот на нелегално оружје ги направи судирите посмртоносни и поттикна циклус на насилство.

Властите првично соопштија дека загинале 64 лица, но во подоцнежните извештаи се тврдеше дека телата биле погрешно пребројани и дека вистинската бројка изнесува 26.

Ескалацијата на племенскиот конфликт, често поради распределбата на земјиштето и богатството, доведе до тримесечен полициски час во Енга минатиот јули. Инцидентот тогаш привлече меѓународно внимание по вознемирувачките снимки објавени на социјалните мрежи на кои се гледаа мажи врзани и влечени зад камион, додека околни гледачи навиваат.

Гувернерот Питер Ипатас рече дека во најновата ескалација биле вклучени до 17 племиња и оти задржувањето на мирот зависи од безбедносните сили.

Владата на Папуа Нова Гвинеја минатиот месец прогласи вонредна состојба по големите немири и грабежи во кои загинаа најмалку 15 лица.

Австралија, која е еден од најблиските сојузници на земјата, рече дека веста за убиствата е „многу вознемирувачка“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Перформанс „Мачката Елеонора“ на 15 и 16 овој месец во МКЦ

н На 15 и 16 овој месец, ќе има две нови изведби на перформансот „Мачката Елеонора“, со почеток од 20 часот, информираат од организацијата „Тииииит! Инк.“. Перформансот, како што...