Пет собраниски комисии денеска ќе одржат седници во Собранието на Република Македонија: за финансирање и буџет, за политички систем и односи меѓу заедниците, за одбрана и безбедност, Законодавно-правната и Комисијата за транспорт, врски и за екологија.
Комисија за финансирање и буџет ќе дебатира за предлог-законите за изменување на Законот за даночна постапка, за дополнување на Законот за Фондот за осигурување на депозити и за измените и дополнувањата на Законот за банките и на Законот за хартии од вредност, сите во прво читање.
Предлог-законите за изменување и за дополнување на Законот за Народен правобранител и на Законот за парнична постапка, двата во прво читање, се на дневен ред на Комисијата за политички систем и односи меѓу заедниците.
Членовите на Комисија за одбрана и за безбедност ќе расправаат за предлог-резилуцијата за миграциската политика на Република Македонија 2015 – 2020.
Комисија за транспорт, врски и за екологија, пак, ќе расправа за предлог-законот за градежно земиште во второ читање и за годишната програма за работа на Агенцијата за пошти за 2015 година.
Собраниската Законодавно-правна комисија ќе се признесе по предлог-законот за градежно земјиште во второ читање, како и по законските решенија кои се во прво читање, а се на дневен ред на горенаведените собраниски комисии.