Во 7 часот утрово започна прегласувањето за парламентарните избори во вкупно седум избирачки места во Желино, Крушево, Охрид, Струга и во Долнени. Прегласувањето може да влијае врз распределбата на пратеничките мандати.
Како што информираат во Државната изборна комисија (ДИК), до 9 часот, од вкупно запишани 4.514 гласачи на избирачките места, гласале 326, односно 7,22 отсто од гласачите. Во споредба со гласањето на 8 мај, до 9 часот, на ова прегласување се забележува зголемена излезеност за 4 отсто на овие избирачки места.
„Во Желино гласале 101 гласач односно 10 отсто, во Крушево гласале 57 гласачи односно 12,15 отсто, во Охрид гласале 54 гласачи (7,59 отсто), а во Долнени 3,34 отсто. Во Струга на гласање излегле 56 гласачи“, информира ДИК.