Во неколку американски градови имигрантите се повикани да останат во своите домови, да не одат на училиште или на работа и да не им помагаат на своите работодавачи во рамки на акцијата „Ден без имигранти“.
Организаторите на акцијата велат дека „Ден без имигранти“ има за цел да покаже колку имигрантите придонесуваат за американската економија и за општеството.
Такви акции се спроведени во Филаделфија, Вашингтон и Остин и претставува реакција на најавата на американскиот претседател Доналд Трамп за зголемување на депортациите на имигрантите кои немаат документи и за изградба на ѕид на границата со Мексико.
