fbpx

Дармановиќ: Ако реформите одат добро, Македонија би требало да биде дел од ЕУ во 2025

-

Македонија и Црна Гора имаат отворени и неоптоварени билатерални односи, но потребно е да се работи на подобрување на економската соработка меѓу двете земји, оценија по денешната средба шефот на македонската дипломатија Никола Димитров и неговиот црногорски колега, Срѓан Дармановиќ.

На средбата, како што соопштија, било разговарано за искористување на потенцијалите за економска, но и за соработка на полето на културата и на транспортот.

Министрите заклучиле дека двете земји делат иста визија за стабилен и просперитетен регион и за европска и евроатлантска интеграција на целиот регион. Во контекст на тоа, Дармановиќ соопшти дека официјална Подгорица, која досега има 28 отворени и три затворени поглавја во преговорите за влез во ЕУ, е подготвена да го сподели своето искуство за да и помогне на Македонија побрзо да напредува во евроинтеграциите.

На новинарско прашање, дали Македонија би можела да ги стигне Црна Гора и Србија и до 2025 година заедно да станат дел од ЕУ, министрите изразија надеж дека земјата ќе влезе во овој пакет и дека ќе има јасни критериуми и исти услови за сите.

– Црна Гора смета дека секоја земја треба да биде оценувана според постигнатите резултати. Сметаме дека тој принцип е одличен за секоја земја-кандидат. Тој принцип може да биде особено корисен и за Македонија. Ако реформите одат добро, зошто Македонија не би влегла во кругот на овие земји кои се спомнати. Изјавата на претседателот на Европската комисија, Жан Клод Јункер е охрабрувачка – рече Дармановиќ.

Димитров повтори дека Владата ќе направи сè за да го фатат возот и да ја убедат Комисијата и нејзиниот претседател, во документот што ќе биде објавен во февруари да има простор Македонија да го надомести заостанатото во евроинтеграциските процеси.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...