fbpx

Бројот на убиени во Газа надмина 30 илјади

Министерството за здравство на Газа вели дека повеќето жртви се жени и деца

-

Бројот на убиени при израелската офанзива во Газа, која започна на 7 октомври, денес надмина 30 илјади, односно 1,3 отсто од 2,3 милиони Палестинци во Газа, соопшти министерството за здравство на Газа. Повеќе од 70 илјади луѓе се водат како повредени, пренесува Би-би-си.

Според министерството за здравство, повеќето жртви се жени и деца. Иако министерството е водено од Хамас, независни извори велат дека бројките за убиени во регионот кои министерството ги давало низ годините се покажале како генерално прецизни. Светската здравствена организација (СЗО) ги користи бројките приложени од министерството и велат дека имаат добра и верна соработка со институцијата.

Всушност, бројот на жртви во Газа е најверојатно и многу повисок од 30.000, бидејќи бројката не ги вклучува тие кои не биле потврдени од медицинско лице или кои се затрупани под урнати згради. Доколку би имало примирје, ќе се овозможи сите тела да се откријат и да се добие појасна слика за точниот број на убиени во појасот.

Бројките на министерството не разликуваат меѓу цивилни и нецивилни жртви. Израелската војска за Би-би-си рекла дека околу 10 илјади терористи се убиени досега од почетокот на офанзивата.

СЗО вели дека, во споредба со други конфликти, во Газа се забележува значително повисока бројка на жртви, како и зголемен број на убиени жени и деца.

Во бројот на жртви се бројат и тие кои умреле поради катастрофалните услови за живот во Газа во моментот. Во среда, шест деца починале од дехидрација и глад во болница во Газа. Обединетите нации предупредуваат дека четвртина од населението на Газа е под ризик да гладува и оти ширењето на болести претставува сериозна закана за здравјето за жителите на Газа.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Град Скопје: Фирма без соодветни документи и дозвола монтира панорамско тркало пред „Борис Трајковски“

Фирма регистрирана пред само еден месец, без соодветни дозволи и документи кои гарантираат безбедност, монтира панорамско тркало и други реквизити во Општина Карпош пред арената „Борис Трајковски“, обвинува Град...