fbpx

Борбите во Судан продолжуваат, бројот на жртви се искачи на 100

Жителите на главниот град се без вода и струја. Борбите се најжестоки во главниот град и во Дарфур, на запад

-

Жителите на суданската престолнина Картум, ги разбудија звуците на артилерија и бомбардирање од воени авиони. Интензивните борби продолжуваат веќе трет ден, бројот на загинати се искачи на околу 100, а стотици други се повредени, пренесе Си-Ен-Ен.

Судирите најпрво избиле во саботата меѓу војската и паравоената група Сили за брза поддршка (РСФ), предводени од Мохамед Хамдан Дагало, познат и како Хемедти, кој во неделата изјави дека армијата го прекршила привремениот хуманитарен прекин на огнот со посредство на ОН.

Очевидци во Картум изјавиле за Си-Ен-Ен дека слушнале минофрлачи и артилерија во раните утрински часови, при што борбите се интензивирале по молитвата во зори во правец на меѓународниот аеродром Картум и гарнизоните на суданската армија.

Жителите во населбите источно од аеродромот изјавиле за Си-Ен-Ен дека виделе воени авиони како бомбардираат.

„Видовме експлозии и чад што се издига од улицата Обаид Катим, а веднаш потоа противвоздушната артилерија масовно пукаше кон авионите“, рече еден очевидец.

Жителите на главниот град се без вода и струја. Борбите се најжестоки во главниот град и во Дарфур, на запад.

Судан се обидува да ги организира првите слободни избори после 30 години диктатура. Арапската лига и Африканската унија свикаа вонреден состанок.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Бујар Османи не ги прекинува предизборните активности

Од објавените наслови се добива впечаток дека Османи се откажува од претседателската трка, а вистината е дека поради здравствени семејни причини ги откажа предизборните активности на 16 април. Но,...