Авганистанското министерство за одбрана соопшти дека го одбраниле аеродромот во Кандахар од нападот на талибанците, кој траел повеќе од 24 часа и во кој се убиени 50 лица, претежно цивили.
Меѓу убиените има 38 цивили, 10 авганистански војници и двајца полицајци. Убиени се 11 терористи, кои учествувале во нападот, а судирите завршиле доцна синоќа.
Авганистанските сили се борат да го сопрат напредувањето на талибанците откако американските и силите на НАТО кон крајот на минатата година официјално ја завршија својата борбена мисија.
Во аеродромскиот комплекс во Кандахар се наоѓа и воен дел, како и база на НАТО. Меѓу загинатите немало припадници на западната воена коалиција.