Тргна падот на Заев и неговата власт. А, народот победува. Новата реалност значи дека Заев ја губи поддршката, а бројот во општините каде оваа власт е детронизирана повторно ќе биде огромен. Реалноста значи дека народот бара правда. Бара слобода, бара стандард, принципи и вредности. ВМРО-ДПМНЕ се враќа на голема врата, порача Игор Јанушев, шефот на изборниот штаб ВМРО-ДПМНЕ, на половина час по затворањето на гласачките места.
Тој обвини за многу повеќе нерегуларности отколку во првиот круг на претседателските избори.
– Имаше бројни обиди за манипулација на волјата на граѓаните. Власта не беше на висината на задачата во вториот круг. Има организирано и семејно гласање и индиции за поткуп и злоупотреба на полицијата. Во Тризла се собираа гласачи од нивните домови. Ново Село беше под полициска опсада, додека во Битола беше најтешкото подземје испратено. Но има и голем број на општини каде што ние победуваме убедливо – рече генералниот секретар на ВМРО-ДПМНЕ.
Тој изрази увереност дека на овие избори ќе победа Сиљановска – Давкова и ВМРО-ДПМНЕ. Секој друг резултат, според него, ќе фрли дамка врз изборите.
– Првичните резултати пристигаат и очекуваме одличен резултат за ВМРО-ДПМНЕ, ВМРО-ДПМНЕ со најголем број на гласови. И сето ова е резултат на новата реалност, волјата на народот и сето она што потоа следува. И во ваква една ситуација се освен победа на професорката Сиљановска ќе фрли темни дамки и сериозни основи за изборен инженеринг, реализиран со притисоци, закани и поткуп – порача Јанушев.
