Малопродажните цени на бензините Еуросупер БС-95 и Еуросупер БС-98 и на Еуродизел (ДЕ V) од полноќ ќе се зголемат за 1 денар по литар, соопшти Регулаторната комисија за енергетика, водни услуги и услуги за управување со комунален отпад (РКЕ).
Новата цена на Еуросупер БС-95 ќе изнесува 75,50 денари за литар, на Еуросупер БС-98 ќе биде 77,50 за литар, а Еуродизел (Д-Е V) ќе се продава за 68,50 денари за литар.
Малопродажната цена на Екстра лесното масло за домаќинство на (ЕЛ-1) ќе се зголеми за 1,50 денари и ќе изнесува 68,50 денари за литар.
Исто така поскапува Мазутот М-1 НС за 1,108 денари за килограм, со што од утре ќе чини 42,780 денари за килограм.
