МВР: Струмичанка затаила данок од над шест милиони денари

Пријавената, како управител на правното лице, со цел да се стекне со против правна корист, го оштетила државниот буџет за вкупен износ од 6.604.860 денари

-

За да се стекне со против правна корист, управителка на струмичка фирма го оштетила буџетот на РСМ за вкупен износ од 6,6 милиони денари, поради што ѝ е поднесена кривична пријава, информира Министерството за внатрешни работи (МВР).

„СВР Струмица поднесе кривична пријава против правно лице од Струмица и управителот на правното лице Н.К. (31) од Струмица за кривично дело „даночно затајување“ по чл. 279 ст. 1 од КЗ. На барање од СВР Струмица, УЈП Генерална дирекција Скопје изврши надворешна контрола на финансиското работење на правното лице и од нивна страна доставени се записници за извршена контрола за деловната 2021 и 2022 година, во кои е констатирано дека првопријавеното правно лице како даночен обврзник и второпријавената како управител на правното лице за деловната 2021 година помалку пресметал и платил персонален данок на добивка во износ од 2.975.466 денари“, информира МВР.

Со контролата било утврдено дека во 2022 година помалку е пресметано и платено персонален данок на добивка, во износ од 3.335.998 денари.

„Од горенаведеното констатирано е дека пријавената, како управител на правното лице, со цел да се стекне со против правна корист, го оштетила Буџетот на РСМ за вкупен износ од 6.604.860 денари. Кривичната пријава е доставена до ОЈО Струмица“, се додава во соопштението на МВР.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

УСС УКИМ: Филозофскиот факултет ги повлече зголемените трошоци за студентите

Филозофскиот факултет ги повлече новововедените трошоци за „онлајн ресурси“ и „материјални ресурси“, што студентите на овој факултет требаше да ги плаќаат при запишувањето на претстојниот зимски семестар. Универзитетското студентско собрание...