Рускиот претседател Владимир Путин денеска побара од Владата да спречи зголемување на цената на вотката.
Путин на состанок со официјални претставници од Владата и со регионални гувернери рече дека високите цени на вотката охрабруваат продукција на нелегален алкохол што претставува поголем ризик за здравјето од легално произведениот.
– Претераните цени на вотка само водат кон пораст на консумирањето нелегален алкохол – нагласи Путин.
Минималната малопродажна цена на половина литар вотка е зголемена за околу 30 отсто од минатата година, на 220 рубљи (четири долари).
