Првиот светски рекет Новак Ѓоковиќ ја зголеми предноста на најновата АТП-листа во однос на второпласираниот, Рожер Федерер.
Српскиот тенисер неделава има поголема предност во однос на Швајцарецот како резултат на триумфот на мастерс-турнирот во Париз, но, исто така, и раната елиминација на Федерер од овој турнир придонесе да се зголеми бодовната разлика меѓу најдобрите двајца.
Ѓоковиќ со одбраната на трофејот во Париз си ги задржа 1.000 бодови од триумфот во 2013 година и води на АТП-листата со 11.510 поени.
Федерер, од друга страна, беше елиминиран во четвртфиналето во Париз и загуби дел од освоените лански бодови кога играше полуфинале, па од 9.280 падна на 8.700 пени и го зголеми заостанувањето зад лидерот на 1.310 поени.
На претстојниот завршен турнир во Лондон, Новак ќе ги брани максималните 1.500 поени, а Федерер само 400.
Меѓу најдобрите пет покрај овие двајца тенисери се наоѓаат и Рафаел Надал со 6.835 поени, Стан Вавринка со 4.895 и Кеи Нишикори со 4.625 поени.
