Шефот на турската дипломатија денеска ја повика официјална Москва да им се приклучи во операциите против Исламска држава (ИД) во Сирија.
– Ги разгледуваме сите детали. Независно од кризата во односите со Русија, ние бараме заедно да се бориме против ИД. Сите знаеме каде се наоѓаат џихадистите – рече Чавушоглу.
Во меѓувреме, амбасадорот на Турција во Русија, Умит Јардим соопшти дека е можно и сириските власти да учествуваат во преговорите за решавање на кризата во Сирија.
Тој оцени дека Турција нема ништо против актуелните сириски власти и додаде дека тие би можеле да одиграат голема улога во политичката транзиција.