fbpx

ВМРО-ДПМНЕ: Владата ќе продолжи да го унапредува образованието

-

Владата предводена од ВМРО-ДПМНЕ останува силно посветена на унапредување на квалитетот на образовниот систем во земјата, како од аспект на воспитно-образовниот процес, така и од аспект на инфраструктурните услови, наведува ВМРО-ДПМНЕ во писмена реакција на прес-конференцијата на СДСМ.

„Развојот на образованието е еден од клучните приоритети во работењето на Владата предводена од ВМРО-ДПМНЕ, а за тоа, доволно зборува податокот дека од 2006 година досега, буџетот наменет за оваа сфера е зголемен за 67 проценти. Во овој период, изградени се нови 45 основни и пет средни училишта, а реконструирани се 230 основни и 80 средни училишта, за што се вложени повеќе од 2,2 милијарди денари. Изградени се 41 училишна спортска сала во вредност од 1,2 милијарди денари, набавени се компјутери и дополнителна информатичка опрема за сите ученици и наставници. Веќе шест години по ред се обезбедуваат бесплатни учебници за учениците, кои во времето на СДСМ родителите ги чинеа многу пари, а за што оваа Влада досега одвои повеќе од 35 милиони евра. Обезбеден е бесплатен превоз за учениците кои живеат на повеќе од два километри од училиштата, обезбедени се многу нови можности за стипендирање на учениците“, стои во реакцијата од владејачката партија.

Од ВМРО-ДПМНЕ посочуваат дека сите ветени и реализирани проекти, мерки и активности, се мотив повеќе да продолжат со нивните континуирани заложби во рамки на еден од клучните програмски приоритети.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Старо обраќање на Црвенковски од пред три години прикажано како ново пред изборите

Пред изборите кои се одржаа на 8 мај 2024 година, Црвенковски немал никакво обраќање ниту порака испратена до власта. Црвенковски испратил порака дека Македонија е корумпирана држава, но тоа не...