Министерството за внатрешни работи (МВР) вчера издало потврди за искажана намера за поднесување барање за азил во Македонија на 587 странски државјани, кои илегално влегле на територијата на земјава.
Според МВР, од стапувањето на сила на измените на Законот за азил и привремена заштита на 19 јуни, заклучно со денеска во 8 часот, потврди биле издадени на вкупо 14.311 странски државјани, од кои најголем број од Сирија, а потоа од Авганистан, Ирак, Пакистан, Сомалија, Палестина, Конго и од Камерун.
Од почетокот на издавањето на потврдите до денеска, до Одделението за азил, според МВР, биле поднесени 32 барања за азил во земјава.
Во Прифатниот центар за баратели на азил засега се сместени вкупно 11 лица.
