Американскиот државен секретар Рекс Тилерсон в среда ќе допатува во Москва, но нема да се сретне со рускиот претседател, Владимир Путин, соопшти денеска портпаролот на Кремљ, Дмитриј Песков.
Тилерсон за време на посетата ќе се сретне со шефот на руската дипломатија, Сергеј Лавров.
– Не најавивме состаноци и засега во распоредот на претседателот не е планирана средба со Тилерсон – рече Песков, додавајќи дека ќе ги информира новинарите ако состанокот со Путин се појави на распоредот на претседателот.
Тој, исто така, го коментираше и минатонеделниот американски ракетен напад на Сирија, кој, како што рече, покажал дека Вашингтон не нема желба да соработува со Сирија.
– Постојаните повици да се симне од власт сирискиот претседател Башар ал Асад нема да помогнат во решавањето на кризата – рече Песков, додавајќи дека не постои алтернатива на мировните преговори во Женева и во Астана.
