!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

„Карпош соколи“ ќе играат во квалификациите за Лигата на шампионите


Скопје, 30 јуни, 2017 - 19:09 (META) 

Кошаркарскиот клуб „Карпош соколи“ ќе биде единствениот македонски претставник во квалификациите за Лигата на шампионите на ФИБА. Кошаркарите од Карпош ќе одиграат три квалификациски натпревари за пласман во Лигата на шампионите. „Соколите“ ќе стартуваат од првото квалификациско коло и ќе треба да минат голем филтер, за да изборат пласман меѓу осумте клуба (од вкупно 32) кои ќе се пласираат во групната фаза од натпреварувањето.

Според ФИБА, во првото квалификациско коло ќе се натпреваруваат вкупно 16 тимови, меѓу кои и македонскиот претставник „Карпош соколи“. Само најдобрите ќе се пласираат во групната фаза, каде ги чекаат тимовите кои веќе се одредени како учесници во регуларниот дел од сезоната.


Почнува „Евробаскет 2015“: Македонија денеска игра против Грција


Загреб, 5 септември, 2015 - 11:56 (META) 

Со почетокот на натпреварите во групната фаза, денеска почнува 39. Европско кошаркарско првенство „Евробаскет 2015“, на кое, првпат во неговата историја, домаќини се четири земји, односно Германија, Хрватска, Летонија и Франција.

Репрезентацијата на Македонија, која игра во групата „Ц“, денеска од 18 часот го игра првиот натпревар против тимот на Грција.

Покрај Македонија и Грција, во оваа група се уште и репрезентациите на Хрватска, Холандија, Грузија и на Словенија.

Најголеми фаворити за освојување на шампионатот се тимовите на Шпанија, Србија и на Франција, како и репрезентациите на Хрватска, Литванија и на Турција.

За Македонија оваа е петто учество на европските првенства, а четврто во низа.


Најавите дека Брегалница ќе игра со калчолигаши, засега само теорија


Штип, 24 јуни, 2015 - 16:59 (META) 

Веста дека штипскиот фудбалски прволигаш Брегалница ќе игра со италијанските клубови Рома и Палермо, излезе дека е обична шпекуација.

Во објавената вест, која ги обиколи македонските медиуми изминатиот викенд, пишуваше дека менаџерска агенција ги договорила натпреварите со калчолигашите Рома и Палермо, кои, наводно, треба да се одиграат во јули кога Брегалница ќе замине на подготовки во северниот дел на Италија.

Веста беше изненадување и за управата на ФК Брегалница. Кој ги договорил средбите, каде и за кога, никој не знаеше да одговори.

Од штипскиот прволигаш велат дека е прерано да се зборува за контролни натпревари, во ситуација кога подготовките за есенскиот дел сè уште не се почнати.

Информацијата ја израдува фудбалската публика, иако во коментарите по социјалните мрежи почесто можеше да се прочита поголема доза резерва отколку радост.

ФК Брегалница во пролетниот дел од сезоната се бореше за опстанок во Првата фудбалска лига и под водство на новиот тренер, Влатко Костов, заврши на седмата позиција. Во новата сезона, клубот влегува без голманот Филип Гачевски, кој е новиот македонски рекодер со најголема минутажа без примен гол, кој заминува во екипата на првакот Вардар.

В.К.


НБА: Клеј Томпсон најзаслужен за победата на Голден Стејт над Мемфис


Кливленд, 14 април, 2015 - 10:19 (META) 

Тимот на Голден Стејт синоќа ги надигра Мемфис гризлис, со резултат од 111-107, а најефикасен во победничката екипа беше Клеј Томпсон, кој натпреварот го заврши со извонредни 42 поени.

Во Источната конференција, Кливленд беше подобар од Детроит (109-97), додека Атланта на домашен терен загуби од Њујорк со 108-112, на кој, поради болест, не настапи Перо Антиќ.

Во тимот на Кливленд, одличен меч одигра Леброн Џејмс, постигнувајќи трипл-дабл, односно 21 поен, 11 асистенции и 10 скока.

Во останатите натпревари синоќа беа постигнати следните резултати: Шарлот – Хјустон 90-100, Филаделфија – Милвоки 97-107, Бруклин – Чикаго 86-113, Мајами – Орландо 110-93, Минесота – Њу Орлеанс 88-100, Оклахома – Портланд 101-90, Јута – Далас 109-92, Сакраменто – ЛА лејкерс 102-92, Голден Стејт – Мемфис 111-107, ЛА клиперс – Денвер 110-103.


Четврти трипл-дабл по ред за Расел Вестбрук


Оклахома сити, 5 март, 2015 - 9:55 (META) 

Синоќа во НБА-лигата се одиграа 13 натпревари од кои во шест победи славеа гостинските екипи.

Вечерта, сепак, ја одбележа кошаркарот на Оклахома Сити тандер, Расел Вестбрук, коj со трипл-дабл беше најзаслужeн за победата на неговиот тим над Филаделфија, со резултат 123-118. За Вестбрук ова е четврти трипл-дабл по ред, резултат што никому не му тргнало од рака да го постигне уште од Мајкл Џордан.

Тој натпреварот го заврши со неверојатни 49 поени, 16 скокови и со 10 асистенции.

Во останатите натпревари беа постигнати следните резултати: Индијана – Њујорк 105-82, Орландо – Феникс 100-105, Бостон – Јута 85-84, Бруклин – Шарлот 91-115, Торонто – Кливленд 112-120, Хјустон – Мемфис 100-102, Минесота – Денвер 85-100, Њу Орлеанс – Детроит 88-85, Мајами – ЛА лејкерс 100-94, Сан Антонио – Сакраменто 112-85, Голден стејт – Милвоки 102-93, ЛА клиперс – Портланд 93-98.


НБА: Кошаркарите на Оклохома ја продолжија победничката серија


Оклахома сити, 25 февруари, 2015 - 10:38 (META) 

Во синоќешните натпревари во НБА-лигата, тимот на Оклахома Сити тандер на свој терен ја совлада екипата Индијана пејсерс со резултат 105-92, а на натпреварот блесна Расел Вестбрук.

Тој го заврши натпреварот со трипл-дабл, постигнувајќи 20 поени, 11 скока и 10 асистенции. Одличен натпревар одигра и Серж Ибака, кој постигна 23 поени, 10 скока и три блокади.

Оклахома во февруари оствари девет победи и има само еден пораз.

Кливленд беше подобар од екипата на Детроит пистонс со 103-92. За победничкиот тим, Леброн Џејмс постигна 19 поени, 7 скока и 11 асистенции.

Во останатите два натпревари беа постигнати следните резултати: Вашингтон – Голден стејт 107-114, Далас – Торонто 99-92.


НБА: Харден со трипл-дабл му ја донесе 38. победа на Хјустон


Хјустон, 24 февруари, 2015 - 11:32 (META) 

Кошаркарите на Хјустон рокетс синоќа на домашен терен ја совладаа екипата на Минесота тимбервулфс со 113-102, и ја забележаа 38. победа оваа сезона.

Џејмс Харден одигра одличен натпревар за победничкиот тим, со трипл-дабл од 31 поени, 11 скокови и 10 асистенции, и се наметна како еден од најсериозните кандидати за најкорисен играч (МВП) во регуларниот дел од НБА-сезоната.

Во натпревар од Западната конференција, Мемфис гризлис дојде до 41. победа, совладувајќи ги ЛА клиперс со 90-87 на гостински терен.

Во другите натпревари беа постигнати следните резултати: Чикаго – Милвоки 87-71, Мајами – Филаделфија 119-108, Њу Орлеанс – Торонто 100-97, Денвер – Бруклин 82-110, Јута – Сан Антонио 90-81, Феникс – Бостон 110-115.


НБА: Репторс убедливи против Хокс на гостински терен


Атланта, 21 февруари, 2015 - 11:47 (META) 

Кошаркарите на Торонто репторс синоќа на гостински терен славеа убедлива победа против тимот на Атланта хокс.

Репторс до 37. победата оваа сезона стигнаа со конечен резултат од 105-80, а предводник на тимот беше Луис Вилијамс со 26 постигнати поени.

Во тимот на Атланта, најефикасни беа Кајл Корвер, Џеф Тиг и Пол Милсап, секој со 11 поени, додека македонскиот кошаркар во редовите на Хокс, Перо Антиќ, на натпреварот одигра 9 минути и забележа 5 поени и 2 скока.

Во Западната конфернација, тимот на Голден стејт вориорс на домашен терен го совлада актуелниот шампион Сан Антонио спарс со 110-99 и ја забележа 43. победа во годинешната сезона.

Во останатите натпревари беа постиганти следниве резултати: Орландо – Њу Орлеанс 95-84, Филаделфија – Индијана 95-106, Детроит – Чикаго 100-91, Њујорк – Мајами 87-111, Минесота – Феникс 111-109, Далас – Хјустон 111-100, Милвоки – Денвер 89-81, Сакраменто – Бостон 109-101, ЛА Лејкерс – Бруклин 105-114, Јута – Портланд 92-76 и Вашингтон – Кливленд 89-127.