Новата амбасадорка на САД, Кејт Брнс, за разочараноста од Иванов и за 27 април


Скопје, 8 ноември, 2018 - 19:57 (META) 

Новата амбасадорка на САД Кејт Мери Брнс (Kate Marie Byrnes) која е предлог на претседателот Доналд Трамп и која треба да ја потврди Сенатот, доаѓа од Атина каде што ја врши функцијата заменик амбасадор, а на претходната функција како претставник на САД во ОБСЕ во Виена веќе ги коментираше состојбите и настаните во земјава.

Во мај минатата година, како претставник на Мисијата на САД во ОБСЕ, Брнс рече дека САД го повикуваат надлежните во Македонија да преземат чекори за да ја осигурат безбедноста на сите членови на парламентот, да ги истражат нападите во Собранието од 27 април темелно и да ги повикаат на одговорност тие што ги извршиле, ги организирале и ги нарачале насилствата.

– САД силно ги осудуваат насилните напади на членови на македонскиот парламент, кои следеа по изборот на Талат Џафери за спикер на Собранието. САД ќе соработуваат со новиот спикер и со парламентот за поддршка на демократијата и за да ѝ помогнат на Македонија да се движи по европскиот пат. За насилството нема место во демократските процеси. Ги изразуваме нашите најдлабоки симпатии кон членовите на парламентот и кон другите повредени во нападите и на нивните семејства. Како стратешки партнер и пријател на Македонија, со целосна почит на нејзиниот суверенитет и унитарноста, САД ги повикуваат сите партии да го концентрираат интересот на Македонија и на нејзините граѓани, пред сè друго, да работат заедно конструктивно и целосно да ги имплементираат сите нивни заложби што произлегуваат од Договорот од Пржино. Ги повикуваме сите партии да ги решат разликите мирно и да ги почитуваат законите во Македонија и демократските процеси – рече Брнс во нејзиното обраќање.

Претходно, во март истата година, Брнс изјави дека САД се разочарани од одлуката на Иванов да го додели мандатот за формирање влада на парламентарното мнозинство.

– САД се разочарани што претседателот Иванов одби да им понуди можност да се формира новата влада на претставниците кои имаат јасно парламентарно мнозинство. Ние сметаме дека оваа одлука не е во согласност со заложбите на ОБСЕ, основните демократски принципи и владеењето на правото, што се основни вредности на оваа организација – рече Брнс.


Кејт Брнс номинирана за нова амбасадорка на САД во Македонија


Вашингтон, 8 ноември, 2018 - 17:04 (META) 

Претседателот на САД, Доналд Трамп ја предложи Кејт Мери Брнс (Kate Marie Byrnes) за нов амбасадор на САД во Македонија која треба да дојде на местото на сегашниот амбасадор Џес Бејли.

Според соопштението од Белата куќа, Кејт Мери Брнс е амбасадорка од кариера и доаѓа од Атина каде што ја вршела функцијата заменик амбасадор на САД во Грција од септември 2017 година.

Претходно таа била заменик-шеф на мисија и заменик- постојан претставник на Мисијата на САД во Организацијата за безбедност и соработка во Европа (ОБСЕ) во Виена, Австрија.

За време на нејзината кариера, таа била советник за односи со јавност во Амбасадата на САД во Мадрид, била виш цивилен претставник на Одделот за државни функции во оперативната група Бастон/Бронко во Авганистан.

Работела како советник за јавни работи во Мисијата на САД во НАТО во Брисел, Белгија, од 2007-2010 година. Таа исто така ги претставувала интересите на САД во Шпанија, Боливија, Унгарија и Турција.

Во мај минатата година, како претставник на Мисијата на САД во ОБСЕ, Брнс рече дека САД го повикуваат надлежните во Македонија да преземат чекори за да ја осигурат безбедноста на сите членови на парламентот, да ги истражат нападите во Собранието од 27 април темелно и да ги повикаат на одговорност тие што ги извршиле, ги организирале и ги нарачале насилствата.

– САД силно ги осудуваат насилните напади на членови на македонскиот парламент, кои следеа по изборот на Талат Џафери за спикер на Собранието. САД ќе соработуваат со новиот спикер и со парламентот за поддршка на демократијата и за да ѝ помогнат на Македонија да се движи по европскиот пат. За насилството нема место во демократските процеси. Ги изразуваме нашите најдлабоки симпатии кон членовите на парламентот и кон другите повредени во нападите и на нивните семејства. Како стратешки партнер и пријател на Македонија, со целосна почит на нејзиниот суверенитет и унитарноста, САД ги повикуваат сите партии да го концентрираат интересот на Македонија и на нејзините граѓани, пред сè друго, да работат заедно конструктивно и целосно да ги имплементираат сите нивни заложби што произлегуваат од Договорот од Пржино. Ги повикуваме сите партии да ги решат разликите мирно и да ги почитуваат законите во Македонија и демократските процеси – рече Брнс во нејзиното обраќање.

Претходно, во март истата година, Брнс изјави дека САД се разочарани од одлуката на Иванов да го додели мандатот за формирање влада на парламентарното мнозинство.

– САД се разочарани што претседателот Иванов одби да им понуди можност да се формира новата влада на претставниците кои имаат јасно парламентарно мнозинство. Ние сметаме дека оваа одлука не е во согласност со заложбите на ОБСЕ, основните демократски принципи и владеењето на правото, што се основни вредности на оваа организација – рече Брнс.

Амбасадорите ги номинира претседателот, а ги потврдува Сенатот на САД.


Брнс: Владата и партиите да се воздржат од напади врз граѓанските организации


Виена, 16 март, 2017 - 16:30 (META) 

Шефицата на американската мисија во ОБСЕ, Кејт Брнс, денеска на Постојаниот совет на ОБСЕ во Виена му повтори на македонскиот министер за надворешни работи, Никола Попоски, дека САД се загрижени за политичката ситуација во Македонија и дека продолжуваат одблизу да го следат развојот на настаните.

„САД остануваат разочарани од тоа што претседателот Иванов одби да им даде можност на пратениците што имаат јасно мнозинство да формираат нова влада. И понатаму веруваме дека ова не е доследно на заложбите на ОБСЕ, на основните демократски принципи и на владеењето на правото. Како стратешки партнер и пријател на Македонија, но и со целосно почитување на нејзиниот суверенитет и единство, САД го повикуваат претседателот Иванов да ја преиспита одлуката“, вели Брнс во пораката до Попоски.

Таа истакна дека Вашингтон ги повикува владата, политичките лидери и политичките партии да се воздржат од напади врз граѓанските организации и да пружат помош и поддршка за независните поединци и институции во нивната работа, како и да избегнуваат реторика која поттикнува тензии.

„Истовремено, соседите на Македонија треба да покажат воздржаност и да бидат конструктивни во време на политичката чувствителност во земјата“, вели амбасадорката на САД при ОБСЕ.

Таа рече дека САД се приклучува кон повикот на генералниот секретар на ОБСЕ за целосно спроведување на Охридскиот договор и го повтори ставот на САД дека сите партии во Македонија треба на прво место да ги стават интересите на државата и на граѓаните и да ги имплементираат обврските преземени со Договорот од Пржино.

„Политичката криза може да се реши само преку почитување на македонските закони и на меѓународните обврски, како и преку почитување на волјата на народот, слободно изразена преку демократските процеси, вклучувајќи ги и изборите во декември лани, во духот на инклузивноста и на меѓуетничката соработка“, рече Брнс.