Времето денеска ќе биде сончево и многу топло со мала локална облачност и со слаб северен ветер. Попладне во планинските предели ќе има услови за појава на локален краткотраен дожд и грмежи.
Утринската температура ќе се движи од 11 до 20 Целзиусови степени, а дневната од 32 до 39 степени.
УВ-индексот ќе има вредност 9.
Во Скопје ќе преовладува сончево и потопло време, со слаб до умерен северен ветер. Утринската температура ќе се спушти до 18 Целзиусови степени, а дневната ќе се искачи до 37 степени.
Дневната температура во вторник и в среда повторно ќе надмине 40 степени, а од четврток се очекува намалување на дневната температура за околу пет степени.