Борбен авион на швајцарските воздухопловни сили, кој ги надлетувал Алпите, исчезнал денеска попладне, соопшти швајцарското министерство за одбрана.
– Веднаш почнавме со потрага. Засега не се знае што се случува со пилотот – соопшти министерството.
Авионот „Ф/А-18 Ц“ се води како исчезнат од 18.30 часот по централноевропско време во областа Систен.
Во јуни годинава, двајца швајцарски ловци од типот „тигер Ф-5Е“ се судрија за време на обука во Холандија, а еден од авионите се запали и се урна. Пилотот успеа да се катапултира.
Во 2013 година, пак, авион „Ф/А-8“ на швајцарската војска удри во планина во центарот на Швајцарија, при што загинаа пилот и патник.