За време на денешните разговори, рускиот претседател Владимир Путин и грчкиот премиер Алексис Ципрас не разговарале за финансиска помош од Русија за Грција, изјавил портпаролот на Кремљ, Дмитриј Песков.
– Лидерите ја нагласија потребата од соработка на планот на билатералните инвестиции, но во контекст на вообичаените односи меѓу двете земји – изјави Песков.
Путин и Ципрас се состанаа во екот на проблемите што Грција ги има во преговорите со меѓународните кредитори за долг на Атина тежок 240 милијарди долари.
Пакетот меѓународна помош од кредиторите истекува кон крајот на јуни. Песков истакна дека е рано да се зборува за руска помош на Грција бидејќи Русија никогаш не добила такви барања од Атина.
