Времето денеска ќе биде променливо облачно со сончеви периоди. Во текот на денот ќе дува слаб до умерен ветер од северозападен правец, кој повеќе ќе биде изразен во источните делови и долж Повардарието.
Минималната температура ќе се движи од минус 7 до 3 Целзиусови степени, а дневната од 7 до 13 степени.
Во Скопје и во околината нè очекува слично време со температура до 8 Целзиусови степени.
Претежно стабилно време нè очекува и во наредните денови, но наместа ќе има зголемена облачност и услови за појава на слаб дожд. Ќе дува умерен до засилен, повремено и силен северен ветер, особено в среда и в четврток.