Околу 3.000 лица се евакуирани од место каде се наоѓаат три железнички станици во Москва – Казанска, Јарославска и Ленинградска. Евакуацијата следела по анонимна дојава дека на станиците се поставени бомби.
– По повикот дека на железничките станици се поставени бомби, евакуирани се по 1.000 лица од Казанска и од Ленинградската, додека од Јарославска се евакуирани 750 лица – наведува неименуван извор од руските безбедносни служби.
Според истиот извор, наскоро се очекува да пристигнат специјалните единици кои ќе извршат детална проверка на станиците.
